ಹನೂರು :- ನಮಗೆ ಬೇಕಾದ ಸ್ಥಳಗಳ ರಸ್ತೆಗಳ ಊರುಗಳ ಬಗ್ಗೆ ನಿಖರವಾಗಿ ತಿಳಿಯಲು ಗೂಗಲ್ ಮ್ಯಾಪ್ ತುಂಬಾನೆ ಸಹಕಾರಿ.ಆದರೆ ಪೊಲೀಸ್ ವಾಹನಗಳನ್ನು ಚೆಕ್ ಮಾಡುವ ಸ್ಥಳವನ್ನು ಯಾರೋ ಪುಣ್ಯಾತ್ಮರು ಗೂಗಲ್ ಮ್ಯಾಪ್ ನಲ್ಲಿ ಅಪ್ ಲೋಡ್ ಮಾಡುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.ಮಲೆ ಮಹದೇಶ್ವರ ಬೆಟ್ಟಕ್ಕೆ ತೆರಳುವ ಮಾರ್ಗಮಧ್ಯದ ಅರಕನ ಹಳ್ಳ ನರ್ಸರಿ ಬಳಿ ಪೊದೆಯ ಮರೆಯ ತಿರುವಿನಲ್ಲಿ ಅವಿತು ನಿಲ್ಲುವ ಪೊಲೀಸರು ಬೆಟ್ಟಕ್ಕೆ ತೆರಳುವ ಎಲ್ಲಾ ತೆರನಾದ ವಾಹನಗಳನ್ನು ತಡೆಗಟ್ಟಿ ಯಾವುದಾದರು ರೂಪದ ತಪ್ಪು ಹುಡುಕಿ ದಂಡ ವಿಧಿಸುವುದು ನಿತ್ಯ ನಿರಂತರವಾಗಿದೆ.ಇದರಿಂದ ಬೇಸತ್ತ ಯಾವನೋ ಚಾಲಾಕಿ ಭಕ್ತ ಎಲ್ಲರಿಗೂ ಅನುಕೂಲವಾಗಲಿ ಪೊಲೀಸರಿಂದ ದಂಡ ತಪ್ಪಿಸಿಕೊಳ್ಳಲಿ ಜಾಗರೂಕರಾಗಲಿ ಅನ್ನುವ ಮನೋಭಿಲಾಷೆಯಿಂದ ಇದೇ ಗೂಗಲ್ ಮ್ಯಾಪ್ ನಲ್ಲಿ ಪೊಲೀಸರು ಕಾದು ನಿಲ್ಲುವ ಸ್ಥಳವನ್ನು ,ಪೊಲೀಸರು ಹಿಡಿಯುವ ಸ್ಥಳ, ಎಂದು ಗುರುತು ಮಾಡಿ ಅಚ್ಚರಿ ಮೂಡಿಸಿರುವುದು ಭಕ್ತರಲ್ಲಿ ಕೌತುಕವನ್ನುಂಟು ಮಾಡಿದೆ.
