ಚಾಮರಾಜನಗರ :- ಜೀಪು ಡಿಕ್ಕಿ ಹೊಡೆದು ಕಡವೆಯೊಂದು ಮೃತಪಟ್ಟಿರುವ ಘಟನೆ ಯಳಂದೂರು ತಾಲೂಕಿನ ಬಿಳಿಗಿರಿರಂಗ ನಬೆಟ್ಟದ ಲಿಂಗನಕಟ್ಟೆ ಆರಣ್ಯ ಪ್ರದೇಶದ ಮುಖ್ಯ ರಸ್ತೆಯಲ್ಲಿ ನಡೆದಿದೆ.
ಬಿಳಿಗಿರಿರಂಗನಬೆಟ್ಟದಿಂದ ಯಳಂದೂರಿಗೆ ತೆರಳುವ ಮುಖ್ಯರಸ್ತೆಯಲ್ಲಿ ವೇಗವಾಗಿ ಚಲಿಸುತ್ತಿದ್ದ ಮಹೀಂದ್ರಾ ಥಾರ್ ವಾಹನ ರಸ್ತೆ ದಾಟುತ್ತಿದ್ದ ಕಡವೆಗೆ ಡಿಕ್ಕಿ ಹೊಡೆದ ಪರಿಣಾಮ ಕಡವೆ ಸ್ಥಳದಲ್ಲೇ ಮೃತ ಪಟ್ಟಿದೆ. ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಅರಣ್ಯ ಇಲಾಖೆ ಸಿಬ್ಬಂದಿ ವಾಹನ ಹಾಗೂ ವಾಹನದಲ್ಲಿದ್ದ ಶಿವಮೊಗ್ಗದ ವರುಣ್, ಬೆಂಗಳೂರಿನ ಪ್ರಶಾಂತ್, ಅಂಕಿತ್,ದಾವಣಗೆರೆಯ ವಿವೇಕಾನಂದ ಎಂಬವರ ವನ್ಯಜೀವಿ ಸಂರಕ್ಷಣಾ ಕಾಯ್ದೆ ಪ್ರಕಾರ ಪ್ರಕರಣ ದಾಖಲಿಸಿ, ನಾಲ್ವರನ್ನು ನ್ಯಾಯಾಂಗ ಬಂಧನಕ್ಕೆ ನೀಡಿದ್ದಾರೆ. ಈ ಸಂದರ್ಭದಲ್ಲಿ ಆರ್ಎಫ್‌ಒ ಎಚ್.ಎನ್. ನಾಗೇಂದ್ರ ನಾಯಕ್ ಡಿಆರ್ಎಫ್‌ಒ ಯಶಸ್, ಗಸ್ತುಅರಣ್ಯ ಪಾಲಕರಾದ ಭೀಮಶಿ ಮುನ್ಯಾಳ್, ಕಾಡೇಶ್ಎಸ್. ಚಂದಪ್ಪಗೋಳ್ ಇದ್ದರು.
