ಶಿವಮೊಗ್ಗ : ವಿನೋಬ ನಗರದ ಚೌಕಿ ಸರ್ಕಲ್ ನಲ್ಲಿರುವ ಶಿವದುರ್ಗ ಕಾಂಪ್ಲೆಕ್ಸ್ ನ ‘ದ ಅರ್ಬನ್ ಪ್ರೊಫೇಷನಲ್ ಫ್ಯಾಮಿಲಿ ಸಲೂನ್ ಅಂಡ್ ಸ್ಪಾ‘ ಮೇಲೆ ವಿನೋಬ‌ನಗರ ಪೊಲೀಸರು ದಾಳಿ ನಡೆಸಿದ್ದಾರೆ.
ಪ್ರೊಬೇಷನರಿ ಐಪಿಎಸ್ ಅಧಿಕಾರಿ ಬಿಂದುಮಣಿ ರವರ ನೇತೃತ್ವದಲ್ಲಿ ವಿನೋಬ ನಗರ ಪೊಲೀಸರು ದಾಳಿ ನಡೆಸಿ ಏಳು ಜನ ಅಬಲೆಯರನ್ನ ರಕ್ಷಿಸಿದ್ದಾರೆ. ಏಳು ಜನರು ಸಂತ್ರಸ್ತರನ್ನ ಸಾಂತ್ವಾನ ಕೇಂದ್ರಕ್ಕೆ ಬಿಡಲಾಗಿದೆ.
ಸ್ಪಾದಲ್ಲಿ ಅನೈತಿಕ ಚಟುವಟಿಕೆ ನಡೆಯುತ್ತಿದೆ ಎಂಬ ಖಡಕ್ ಮಾಹಿತಿ ಆಧರಿಸಿ ದಾಳಿ ನಡೆದಿದೆ. ದಾಳಿಯಲ್ಲಿ 7 ಜನರನ್ನ ರಕ್ಷಿಸಲಾಗಿದೆ.
ಕಳೆದ ಒಂದು ತಿಂಗಳಲ್ಲಿ ಅನೈಕ ಚಟುವಟಿಕೆಗಳ ಮೇಲೆ ದಾಳೆ ನಡೆಸಿರುವ ಪ್ರಕರಣಗಳಲ್ಲಿ ಇದು ಮೂರನೇ ಪ್ರಕರಣವಾಗಿದೆ, ಕುವೆಂಪು ರಸ್ತೆಯಲ್ಲಿರುವ ಸ್ಪಾ ಮೇಲೆ ದಾಳಿ ನಡೆಸಲಾಗಿತ್ತು. ಅದರಂತೆ ಮೂರು ನಾಲ್ಕು ದಿನಗಳ ಹಿಂದೆ ತೀರ್ಥಹಳ್ಳಿ ಯ ಮನೆಯೊಂದರಲ್ಲಿ ಬಲವಂತವಾಗಿ ಹೆಣ್ಣುಮಕ್ಕಳನ್ನ ಇಟ್ಟುಕೊಂಡು ದಂಧೆ‌ನಡೆಸಲಾಗುತ್ತಿದ್ದ ಆರೋಪದ ಮೇಲೆ ದಾಳಿ ನಡೆಸಿ ಮೂವರನ್ನ ರಕ್ಷಿಸಲಾಗಿತ್ತು. ಇಂದು ವಿನೋಬ‌ನಗರ ಠಾಣೆ ವ್ಯಾಪ್ತಿಯಲ್ಲಿ ದಾಳಿ ನಡೆದಿದೆ.
