ಶಾರುಕ್ ಖಾನ್ ಹನೂರು
ಹನೂರು: ಎರಡು ಬೈಕ್ ಗಳ ನಡುವೆ ಡಿಕ್ಕಿಯಾಗಿರುವ ಘಟನೆ ಪಟ್ಟಣದ ಹೊರವಲಯದ ಪೊಲೀಸ್ ಕ್ವಾಟಾರ್ಸ್ ಬಳಿ ಇಂದು ಬೆಳಿಗ್ಗೆ ನಡೆದಿದೆ.
ನಂಜನಗೂಡು ತಾಲೋಕು ಜಿ.ಮರಳ್ಳಿ ಗ್ರಾಮದ ಮಾದಪ್ಪ ನ ಭಕ್ತರು ಹಾಗೂ ಎಲ್ಲೇಮಾಳ ಗ್ರಾಮದ ತೆಂಗಿನಕಾಯಿ ವ್ಯಾಪಾರಿ ಬೈಕ್ ಗಳ ನಡುವೆ ಈ ದುರ್ಘಟನೆ ಸಂಭವಿದೆ. ಪರಿಣಾಮ ಎರಡು ಬೈಕ್ ಸವಾರರು ಗಾಯಗೊಂಡರು.
ಪತ್ರಕರ್ತರ ಸಹಾಯ ಹಸ್ತ: ಎರಡು ಬೈಕ್ ಸವಾರರ ಅಪಘಾತಕ್ಕೆ ಒಳಗಾದ ಸಂದರ್ಭದಲ್ಲಿ ಅದೇ ಮಾರ್ಗದಲ್ಲಿ ಸಾಗುತ್ತಿದ್ದ ಪತ್ರಕರ್ತರು ಸಿ.ಮಹಾದೇವಸ್ವಾಮಿ, ನಾಗೇಂದ್ರ ಪ್ರಸಾದ್, ಶಿವಕುಮಾರ್ ಸಮಯ ಪ್ರಜ್ಞೆ ಮೆರೆದು ಗಾಯಾಳುಗಳನ್ನು ತಮ್ಮ ವಾಹನದಲ್ಲಿ ಕರೆದು ಕೊಂಡು ಹೋಗಿ ಕಾಮಗೆರೆ ಹೋಲಿ ಕ್ರಾಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ ತಮ್ಮ ಸಾಮಾಜಿಕ ಕಳಕಳಿಯನ್ನು ಮೆರೆದಿದ್ದಾರೆ.
ಸಮಯಕ್ಕೆ ಸರಿಯಾಗಿ ಸಿಗದ ತುರ್ತು ವಾಹನ ಸೇವೆ : ಅಪಘಾತದಲ್ಲಿ ಬೈಕ್ ಸವಾರರು ಗಾಯಗೊಂಡ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ಸಾಗಿಸಲು ಆಂಬುಲೆನ್ಸ್ ಸೇವೆಗೆ ಕರೆ ಮಾಡಿದರೆ ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ದೊರೆಯದ ಕಾರಣ ಸಾರ್ವಜನಿಕರು ವ್ಯವಸ್ಥೆಯ ಬಗ್ಗೆ ಕಿಡಿಕಾರಿದರು.
