ಹನೂರು :- ತಾಲ್ಲೂಕಿನ ಮಾರ್ಟಳ್ಳಿ ಸಂತ ಜೇಮ್ಸ್ ರವರ ವಾರ್ಷಿಕ ಹಬ್ಬ ಭಾನುವಾರ ವಿಜೃಂಭಣೆಯಿಂದ ಆಚರಿಸಲಾಯಿತು. ಹಬ್ಬದ ಪ್ರಯುಕ್ತ ಕಳೆದ ಶುಕ್ರವಾರ ಧ್ವಜಾರೋಹಣದಿಂದ ಆರಂಭವಾಗಿ ಕಳೆದ ಮೂರು ದಿನಗಳಿಂದ ದಿವ್ಯ ಬಳಿಪೂಜೆ ಆರಾಧನೆ ತೇರಿನ ಮೆರವಣಿಗೆ ನಡೆಯಿತು.ಭಾನುವಾರ ಬೆಳಿಗ್ಗೆ ಆಡಂಬರದ ದಿವ್ಯ ಬಳಿಪೂಜೆ ವಂ.ಸ್ವಾಮಿ ಲಿಯೋ ಚಾರ್ಲ್ಸ್ ರವರಿಂದ ನೆರವೇರಿಸಲಾಯಿತು. ರಾತ್ರಿ ಭವ್ಯ ತೇರಿನ ಮೆರವಣಿಗೆ ಮಾಡುವ ಮೂಲಕ ಕ್ರೈಸ್ತರು ಸಂಭ್ರಮಿಸಿದರು. ವಿಶೇಷವಾಗಿ ವಿದ್ಯುತ್ ದೀಪಾಲಂಕಾರದಿಂದ ಕಂಗೊಳಿಸುತ್ತಿದ್ದ ಭವ್ಯತೇರನ್ನು ಊರಿನ ಸುತ್ತಮುತ್ತ ಮೆರವಣಿಗೆ ಮಾಡಲಾಯಿತು. ಈ ವೇಳೆ ಭಕ್ತಾದಿಗಳು ಪ್ರಾರ್ಥನೆ ಹಾಗೂ ಸ್ತುತಿಗೀತೆಗಳನ್ನು ಹಾಡಿದರು.ಧರ್ಮ ಕೇಂದ್ರದ ಗುರುಗಳು ಮತ್ತು ಇನ್ನಿತರ ಗುರುಗಳು ಹಾಗೂ ಸಾವಿರಾರು ಭಕ್ತ ಸಮೂಹ ಜನರು ಉಪಸ್ಥಿತರಿದ್ದರು.
