ಮಸ್ಕಿ : ಸಿನಿಮೀಯ ರೀತಿಯಲ್ಲಿ ರಾಯಚೂರು ಜಿಲ್ಲೆಯ ಮಸ್ಕಿ ತಾಲೂಕಿನ ಮಸ್ಕಿ ಸಾನಬಾಳ ಮುಖ್ಯರಸ್ತೆ ನಿರ್ಜನ ಪ್ರದೇಶದಲ್ಲಿ 15 ವರ್ಷದ ವಿದ್ಯಾರ್ಥಿನಿಯನ್ನು ಕೊಚ್ಚಿ ಕೊಲೆ ಮಾಡಿರುವ ಘಟನೆ ನಡೆದಿದೆ.
ಶುಕ್ರವಾರ ಸಂಜೆ ಸುಮಾರು 6 ಗಂಟೆ. ರಾಯಚೂರು ಜಿಲ್ಲೆ ಮಸ್ಕಿ ಪೊಲೀಸ್ ಕಂಟ್ರೋಲ್ ರೂಂಗೆ ಅದೊಂದು ಕಾಲ್ ಬಂದಿತ್ತು. ಮಸ್ಕಿಯ ಸಾನಬಾಳ ರಸ್ತೆಯಲ್ಲಿ ಶಾಲಾ ವಿದ್ಯಾರ್ಥಿನಿಯೊಬ್ಬರನ್ನು ಕೊಲೆ ಮಾಡಲಾಗಿದೆ ಅಂತ ಮಾಹಿತಿ ಬಂದಿತ್ತು..ಕೂಡಲೇ ಮಸ್ಕಿ ಪೊಲೀಸರು ಘಟನಾ ಸ್ಥಳಕ್ಕೆ ಹೋಗಿ ನೋಡಿದಾಗ, ಹೊಟ್ಟೆ ಮತ್ತು ಕತ್ತಿನ ಭಾಗಕ್ಕೆ ಇರಿದು ಕೊಲ್ಲಲಾಗಿತ್ತು..ಬಳಿಕ ಆಕೆ ತೊಟ್ಟಿದ್ದ ಯುನಿಫಾರ್ಮ್ ಆಧಾರದಲ್ಲಿ ಆಕೆ ಮಸ್ಕಿ ಪಟ್ಟಣದ ಖಾಸಗಿ ಶಾಲೆಯಲ್ಲಿ 9 ನೇ ತರಗತಿಯಲ್ಲಿ ಓದುತ್ತಿರೊ 15 ವರ್ಷದ ಭೂಮಿಕಾ ಅನ್ನೋದು ಕನ್ಫರ್ಮ್ ಆಗಿತ್ತು. ಬಳಿಕ ಆಕೆಯ ಪೋಷಕರಿಗೆ ಮಾಹಿತಿ ತಿಳಿದಿದಾಗ ಅದೊಂದು ಭಯಾನಕ ಸತ್ಯ ಹೊರಬಿದ್ದಿತ್ತು. ಭೂಮಿಕಾಳನ್ನು ಹತ್ಯೆಗೈದಿದ್ದ ಪಾಪಿ, ಆಕೆಯನ್ನು ಕೊಂದು ಆ ಫೋಟೊಗಳನ್ನು ವಾಟ್ಸ್ ಆಪ್ ಸ್ಟೇಟಸ್ ಇಟ್ಟುಕೊಂಡಿದ್ದ. ಅಲ್ಲದೇ ಆ ಫೋಟೊಗಳನ್ನು ಭೂಮಿಕಾ ಪೋಷಕರಿಗೆ ಶೇರ್ ಮಾಡಿ, ಸೇಡು ತೀರಿಸಿಕೊಂಡಿದ್ದಿನಿ ಅಂತ ಮೆಸೆಜ್ ಪಾಸ್ ಮಾಡಿದ್ದ. ನಂತರ ಫೋನ್ ಸ್ವಿಚ್ ಆಫ್ ಮಾಡಿಕೊಂಡು ಎಸ್ಕೇಪ್ ಆಗಿದ್ದ.
ಅಷ್ಟಕ್ಕು ಭೂಮಿಕಾಳನ್ನು ಹತ್ಯೆಗೈದದ್ದು, ಆಕೆಯ ಸೋದರ ಮಾವನ ಮಗ ರಮೇಶ. ರಮೇಶ್ ತಂದೆ ಹುಲಗಪ್ಪ ಹಾಗೂ ಭೂಮಿಕಾ ತಾಯಿ ಶಿವಲೀಲಾ ಅಣ್ಣ-ತಂಗಿ. ವರಸೆಯಲ್ಲಿ ನಂಟಸ್ಥಿಗೆ ಬೆಳೆಸಬಹುದು ಅಂತಲೇ ಭೂಮಿಕಾ ಹಾಗೂ ರಮೇಶ್ ಪರಸ್ಪರ ಪ್ರೀತಿಸಿದ್ರು. ಕೆಲ ವರ್ಷಗಳಿಂದ ಪ್ರೀತಿಸಿ, ಸುತ್ತದ ದೇವಸ್ಥಾನವಿಲ್ಲ, ಓಡಾಡದ ಜಾಗವಿರ್ಲಿಲ್ಲ. ಅಷ್ಟರಮಟ್ಟಿಗೆ ಇಬ್ಬರು ಹಚ್ಚಿಕೊಂಡಿದ್ರು..ಇದು ಭೂಮಿಕಾ ತಾಯಿ ಶಿವಲೀಲಾ ಇಷ್ಟ ಕೂಡ ಇತ್ತಂತೆ..ಆದ್ರೆ, ರಮೇಶ್ ಬೆಂಗಳೂರಿನಲ್ಲಿ ಗಾರೆ ಕೆಲಸ ಮಾಡ್ತಿದ್ದ.
ಇದೇ ಕಾರಣಕ್ಕೆ ತಾಯಿ ಶಿವಲೀಲಾ ಅವರ ಕುಟುಂಬಸ್ಥರು ರಮೇಶ್ ಜೊತೆ ಭೂಮಿಕಾಳ ಮದುವೆ ವಿರೋಧಿಸಿದ್ರು. ಭೂಮಿಕಾಳನ್ನು ರಮೇಶ್ ಗೆ ಕೊಡಬಾರದಂತಲೇ, ಇಬ್ಬರ ಗೋತ್ರದ ಸರಿಹೋಗಲ್ಲ ಅನ್ನೊ ಕಾರಣ ಹೇಳಿ ಮದುವೆ ನಿರಾಕರಿಸಿದ್ರು. ಇದರಿಂದ ಕೆರಳಿದ್ದ ರಮೇಶ್, ನಿನ್ನೆ ಬೆಂಗಳೂರಿನಿಂದ ಮಸ್ಕಿ ಗೆ ಬಂದಿದ್ದ.
ನಂತರ ಸಂಬಂಧಿಕರೊಬ್ಬರು ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗಿರೋದ್ರಿಂದ ಅವರ ಆರೋಗ್ಯ ವಿಚಾರಿಸಲು, ಸೋದರ ಅತ್ತೆಯಾಗಿರೊ ಭೂಮಿಕಾ ತಾಯಿ ಶಿವಲೀಲಾರ ಕರೆದೊಯ್ದಿದ್ದ ರಮೇಶ್. ಬಳಿಕ ಸಂಜೆ ಶಿವಲೀಲಾರ ಬೈಕ್ ತೆಗೆದುಕೊಂಡ, ಭೂಮಿಕಾ ಳನ್ನು ಶಾಲೆಯಿಂದ ಕರೆತರ್ತಿನಿ ಅಂತ ಹೋಗಿದ್ದ. ಬಳಿಕ ಶಾಲೆಯಿಂದ ಆಕೆಯನ್ನು ಪಿಕ್ ಮಾಡಿ, ಗಿಡ ಗಂಟೆಗಳಿರೊ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು, ಮದುವೆಯಾಗು ಅಂತ ಟಾರ್ಚರ್ ಕೊಟ್ಟಿದ್ದ. ನಂತರ ಚಾಕುವಿನಿಂದ ಭೂಮಿಕಾಳ ಕತ್ತು ಹಾಗೂ ಹೊಟ್ಟೆಗೆ ಇರಿದಿದ್ದ. ಆಕೆ ರಮೇಶ್ ನಿಂದ ತಪ್ಪಿಸಿಕೊಂಡು ಮುಖ್ಯರಸ್ತೆಗೆ ಓಡಿ ಬಂದು, ರಸ್ತೆಪಕ್ಕ ಒದ್ದಾಡಿ ಪ್ರಾಣಬಿಟ್ಟಿದ್ದಾಳೆ. ಸದ್ಯ ಘಟನೆ ಸಂಬಂಧ ಮಸ್ಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿ ರಮೇಶ್ ಪತ್ತೆಗೆ ಮಸ್ಕಿ ಪೊಲೀಸರ ಶೋಧ ಕಾರ್ಯ ನಡೆಸ್ತಿದ್ದಾರೆ. ಹಂತಕ ರಮೇಶ್ ಎಷ್ಟು ಬಂಡ ಅಂದ್ರೆ, ತಾನೂ ಇಷ್ಟ ಪಟ್ಟಿದ್ದಾಕೆ ತನಗೇ ಮಾತ್ರ ಸಿಗಬೇಕು. ಬೇರೆಯವರ ಪಾಲಾಗಬಾರ್ದು ಅಂತ ಭೂಮಿಕಾಳ ಕಥೆ ಮುಗಿಸಿದ್ದಾನೆ.
